នៅក្នុងលោកនេះ មានវិបត្តិច្រើនរាប់មិនអស់ ប៉ុន្តែវិបត្តិភាគច្រើន ដែលកើតឡើងចំពោះមនុស្សម្នាក់ៗ គឺជាផលនៃភាពល្ងង់ខ្លៅរបស់ខ្លួន។ ប៉ុន្តែការប្រឈមមុខ ទទួលស្គាល់ភាពល្ងង់ខ្លៅរបស់ខ្លួន គឺជាការពិបាកជាង ការឡើងកំពូលភ្នំហេមពាន្តទៅទៀត, ដូច្នេះការបន្ទោសអ្នកដទៃ, បន្ទោសស្ថានភាព, បន្ទោសកាលៈទេសៈ, បន្ទោសព្រហ្មលិខិត គឺជាការងាយស្រួល ដើម្បីកុហកខ្លួនឯង អោយបានធូរស្រាលមួយពេល។ ទោះយ៉ាងណាក្ដី, ការពិតនៅតែការពិត, ហើយបញ្ហាដែលកើតឡើង ដោយសារភាពល្ងង់ខ្លៅរបស់ខ្លួន នៅតែជាបញ្ហាដដែល។
