ដូច្នេះហើយ បានជាព្រះ និងអរិយបុគ្គលទាំងអស់ ជំរុញអោយយើង ប្រព្រឹត្តិតែសេចក្តីល្អ, ចេះគោរពផ្តល់តម្លៃ, ចេះស្រឡាញ់មនុស្សដូចគ្នា, មិនបែងចែក ពូជសាសន៍, ពណ៌សម្បុរ, ឬសាសនា។ កម្មគ្រប់យ៉ាង សុទ្ធតែមានផល។ បើយើងអួតអំពីរបស់យើង ហើយបង្អាប់គេ, គេនឹងការពារកិត្តិយសគេ ហើយរករឿងបង្អាប់យើងវិញ។ ការបង្អាប់ទៅ បង្អាប់មក បណ្តាលអោយមានរឿងក្តៅក្រហាយ បង្កជាជម្លោះ – ដូចលោក មហាត្មៈ គន្ធី បាននិយាយថា “ភ្នែកធួននឹងភ្នែក ពិភពលោកទាំងមូល ទៅជាខ្វាក់” ។ រីឯនៅក្នុងព្រះគម្ពីរ ក៏បានចារពាក្យ ស្រដៀងគ្នានេះដែរ។