លោក ថូម៉ាស អេឌីសុន ជាកំពូលប្រឌិតករ ដ៏អស្ចារ្យម្នាក់ នៅក្នុងសតវត្សទីម្ភៃ
ប្រឌិតករ ថូម៉ាស អេឌីសុន បានសាកល្បង ជាមួយនឹងសម្ភារៈផ្សេងៗ អស់ចំនួនពីរពាន់យ៉ាង ដើម្បីស្វែងរកវណ្ណសូត្រ សម្រាប់ធ្វើ ជាចំហេះអំពូលភ្លើង។ នៅពេលដែល គ្មានកិច្ចការណាមួយ ផ្តល់លទ្ធផលគាប់ចិត្តសោះ, អ្នកជំនួយការ របស់គាត់ បានត្អូញត្អែថា “ការងារដែលយើងប្រឹងសឹងអី, ឥឡូវក្លាយទៅជាអសារបង់។ យើងមិនបានរៀនចេះអ្វីសោះ”។
លោក អេឌីសុន បានឆ្លើយតបវិញ ដោយមានជំនឿចិត្តថា “អូហ៍, យើងធ្វើបានច្រើនមកហើយ, ហើយយើង ក៏បានរៀនចេះ យ៉ាងច្រើនដែរ។ ឥឡូវនេះ យើងបានដឹងថា មានវត្ថុធាតុពីរពាន់យ៉ាង ដែលយើងមិនអាចប្រើ សម្រាប់ធ្វើឲ្យបាន អំពូលភ្លើងល្អ”។
