ការដឹងគុណចំពោះជីវិត


សួស្តីឆ្នាំថ្មី មិត្តទាំងអស់!!! នៅថ្ងៃចុងក្រោយនៃឆ្នាំ ២០១១ នេះ ខ្ញុំសូមជូនជាចំណងដៃនូវអត្ថបទមួយនេះ ដែលខ្ញុំសង្ឃឹមថា អាចមានប្រយោជន៍ ជួយកែប្រែជីវិតរបស់មិត្តខ្លះ ដែលយល់ថា ជីវិតគ្មានអ្វីអស្ចារ្យ ហើយពិតជាគួរឲ្យស្អប់។

ភាពដ៏សំខាន់មួយក្នុងចំណោមសមាសភាគទាំងអស់ សម្រាប់ឆ្ពោះទៅកាន់ជីវិតរីករាយ គឺការដឹងគុណ។ ការបំបាត់ភាពសៅហ្មង ដែលមាននៅជុំវិញខ្លួនឲ្យអស់នោះ គឺពិតជារឿងពិបាកណាស់, ប៉ុន្តែមិនមែនជារឿងដែលមិនអាចធ្វើទៅបាននោះទេ។ នៅពេលណាមិត្តមានអារម្មណ៍អាប់អួរ, បាក់កម្លាំងចិត្ត, ឬបាត់បង់ក្តីសង្ឃឹម ចូរមិត្តសរសេរជាបញ្ជីនូវរឿងទាំងឡាយណា ដែលធ្វើឲ្យអ្នកមានការដឹងគុណចំពោះជីវិត។

ចូរមិត្តកត់បញ្ចីរឿងដែលត្រូវអរគុណនេះ ឲ្យបានយ៉ាងតិច ១០០យ៉ាង ហើយយោងទៅលើសេចក្តីនេះឲ្យបានជាប់ជាប្រចាំរាល់ថ្ងៃ រួចហើយបូកបន្ថែមទៀត នូវអ្វីៗដែលគិតឃើញថ្មី។ ប្រសិនបើមិត្តសម្រេចចិត្តធ្វើលំហាត់នេះ, ចូររក្សាភាពខ្ជាប់ខ្ជួននៅក្នុងដំណើរការនេះ ឲ្យបានជាប់យ៉ាងតិច រយៈពេល ១ខែ។ មិត្តនឹងអាចឃើញការផ្លាស់ប្តូរយ៉ាងធំនៅក្នុងជីវិតរបស់មិត្ត, ទាំងផ្នែកអារម្មណ៍, ទាំងផ្នែកចំណងមេត្រីភាព និងរបៀបសម្លឹងមើលជីវិតបច្ចុប្បន្ន និងអនាគត។

បើមិនជឿខ្ញុំទេ ខ្ញុំសូមអញ្ជើញមិត្តរាល់គ្នាមកតតាំងជាមួយខ្ញុំ ដើម្បីបញ្ជាក់ថា ខ្ញុំនិយាយខុស! ប៉ុន្តែចូរចងចាំថា ជោគជ័យទាមទារឲ្យមានសកម្មភាព! តើមិត្តមានអ្វីខាតបង់ ក្នុងការសាកល្បងនេះដែរឬទេ? បើអត់ទេ សូមអញ្ជើញសាកលមើល។ ឥឡូវនេះខ្ញុំសុំចាប់ផ្តើមធ្វើជាបញ្ជីនៃពាក្យខ្លះៗ ដែលខ្ញុំមានការដឹងគុណចំពោះជីវិត៖

១. មានជីវិតរស់នៅ, ២. មានមិត្តភក្តិល្អ, ៣. មានគ្រួសារគួរឲ្យស្រឡាញ់

៤. មានក្តីស្រឡាញ់ពេញក្នុងខ្លួន, ៥. មានតន្ត្រីស្តាប់កំសាន្ត

៦. មានពណ៌ចំរុះស្អាត, ៧. សិល្បៈសម្រាប់កំសាន្ត

៨. នៅមានសុខភាពល្អ, ៩. មានឆ្កែពីរក្បាល គ្រាន់ប្រឡែងលេង

១០. មានរដូវទាំងបួនដែលផ្តល់ធាតុអាកាសប្លែកៗគ្នា, ១១. មានផ្កាយនៅលើមេឃសម្រាប់គយគន់លេង

១២. មាន blog ល្អៗជាច្រើនសម្រាប់អាន, ១៣. មានសំណើចរីករាយ

១៤. មានថ្ងៃរះ, ១៥. មានថ្ងៃលិច, ១៦. មានដំបូលសម្រាប់ជ្រក

១៧. អាចភាពញញឹមបានរាល់ថ្ងៃ, ១៨. មានទំនួលខុសត្រូវចំពោះខ្លួនឯង, ១៩. មានក្តីសុបិននៃអនាគត

២០. មានទស្សនវិស័យ, ២០. មានសង្សារម្នាក់ស្អាតកាភើៗ 😉

២១. មានសង្សារម្នាក់គួរឲ្យស្រឡាញ់ និងជំរុញចិត្តឲ្យតស៊ូគ្រប់បែបយ៉ាង ដើម្បីស្កាត់ទៅជួបគេ :-D….។ល។

ទាំងនេះ គឺគ្រាន់តែជាឧទាហរណ៍សម្រាប់ផ្តួចផ្តើមគំនិតរបស់មិត្ត ក្នុងការសរសេរជាបញ្ជីនូវអ្វីៗដែលមិត្តមានការដឹងគុណចំពោះ។

កុំភ្លេចថា ត្រូវរក្សាភាពខ្ជាប់ខ្ជួននៅក្នុងដំណើរការនេះឲ្យបានរយៈពេល ១ខែ, មិត្តនឹងអាចឃើញការផ្លាស់ប្តូរយ៉ាងធំនៅក្នុងអារម្មណ៍, ចំណងមេត្រីភាព ព្រមទាំងទស្សនវិស័យនៃជីវិតរបស់មិត្ត។

បើធ្វើតាមការណែនាំនេះឲ្យបានជាប់ជាប្រចាំ ហើយគ្មានឃើញការផ្លាស់ប្តូរអ្វីទេ, អញ្ជើញសរសេរសំបុត្រមកជេរខ្ញុំចុះ!

ទម្រាំដល់ពេលនោះ, ខ្ញុំសូមជូនពរដល់មិត្តទាំងអស់ ឲ្យបានប្រកបដោយភាពរីកចម្រើនគ្រប់បែបយ៉ាង នៅក្នុងឱកាសឆ្នាំថ្មីនេះ និងតរៀងទៅ។

បុត្រាខ្មែរ

ការជឿជាក់ចំពោះខ្លួនឯង


ថ្ងៃនេះ ជ្រុល​ជា​បាន​​សរសេរ​កូន​អត្ថបទ​មួយ​រួច​ទៅហើយ, ហើយថែម​ទាំង​​ពុំ​មាន​គម្រោង​សម្រាប់​​​ដើរ​លេង​នៅ​យប់​ដំណាច់​ឆ្នាំ​នេះផង, ខ្ញុំ​សម្រេច​ថា សរសេរ​កូន​អត្ថបទ​មួយ​ទៀត​ចុះ សម្រាប់​ជា​ចំណងដៃ​ឆ្នាំ​ថ្មី​ដល់​មិត្ត​ទាំងអស់​ដែល​ចូល​ចិត្ត​អាន​សំណេរ​របស់​ខ្ញុំ​។

លើក​នេះ​ខ្ញុំ​សុំ​លើក​មក​ខ្លះៗ​ អំពី​ការ​ណែនាំ​អំពី​វិធី​​​បង្កើន​ការ​ជឿជាក់​ចំពោះ​ខ្លួន​ឯង។ ថ្វី​ដ្បិត​តែ​ខ្ញុំ​ជា​អ្នក​​និពន្ធ​អត្ថបទ​នេះ​ក្តី, ខ្ញុំ​ក៏​ជា​​មនុស្ស​ម្នាក់ ដែល​មាន​បញ្ហា​ជីវិត​ទូទៅ ដូច​​គេ​ឯង​ដែរ។ ភាគ​ច្រើន, អ្វី​ដែល​ខ្ញុំ​សរសេរ, ទោះ​តាម​គំនិត​ខ្លួន​ឯង​ក្តី, យោង​តាម​គំនិត​របស់​អ្នក​ផ្សេង​ខ្លះ​ក្តី, ឬ​បក​ប្រែ​របស់​គេ​ទាំង​ស្រុង​ក្តី, គឺ​ខ្ញុំ​ធ្វើ​ឡើង​សម្រាប់​ការ​សិក្សា​ អប់រំ​ចិត្ត​គំនិត​​ខ្លួន​ឯង​ប៉ុណ្ណោះ។ សូម​កុំ​ចាត់​ទុក​ខ្ញុំ​ជា​រៀម​ច្បង ឬ​ជា​គ្រូ ឬ​ជា​អ្នក​ឯក​ទេស​ក្នុង​រឿង​ទាំង​នេះ​ឡើយ។ ខ្ញុំ​ក៏​ដូច​ជា​មិត្ត​ទាំងអស់​គ្នាដែរ, គឺ​មាន​អារម្មណ៍​ប្រែ​ប្រួល​ជា​ប្រចាំ – ជួន​ឡើង, ជួន​ចុះ! ជួន​សប្បាយ, ជួន​កើត​ទុក្ខ! ជួន​មាន​សង្ឃឹម, ជួន​អស់​សង្ឃឹម!។ ដោយ​សារ​តែ​កត្តា​ទាំងអស់​នេះ​ហើយ បាន​ជា​រៀង​រាល់​ថ្ងៃ ខ្ញុំ​តែង​តែ​ព្យាយាម​អាន​អត្ថបទ​ណា ដែល​នាំ​មក​នូវ​ភាព​​វិជ្ជមាន ដើម្បី​​ផ្ញូច​ឲ្យ​មាន​អារម្មណ៍​ស្រស់​ថ្លា និង​រក្សា​ក្តី​សង្ឃឹម កុំ​ឲ្យ​​បាក់​ស្រុត​ទៅ​តាម​ទំនោរ​​នៃ​ព្យុះ​ជីវិត ដែល​បោក​បក់​នៅ​​ខាង​ក្រៅ​​ចិត្ត ដោយ​ឥត​ត្រាប្រណី។

ដើម្បី​កុំ​ឲ្យ​ចំណាយ​ពេល​ច្រើន ខ្ញុំ​សូម​ជូន​ជា​មុន​សិន​នូវ​​ការ​ណែនាំ ៣០​យ៉ាង អំពី​ការ​បង្កើន​ភាព​​ជឿជាក់​ចំពោះ​ខ្លួន​ឯង។ បន្ទាប់​មក​ខ្ញុំ​នឹង​ផ្តល់​ជូន​បន្តបន្ទាប់​ទៀត តាម​ដែល​ខ្ញុំ​អាច​នឹក​ឃើញ។

ការ​ជឿជាក់​ចំពោះ​ខ្លួន​ឯង គឺ​មាន​តួនាទី​​សំខាន់ណាស់​ នៅ​ក្នុង​ការ​អភិវឌ្ឍ​អនាគត​របស់​យើង​ម្នាក់ៗ។ តាម​ធម្មតា, របៀប​ដែល​យើង​គិត, របៀប​ដែល​យើង​យល់​ឃើញ​​អំពី​ខ្លួន​យើង, គឺ​តែង​តែ​​​ទាក់ទង​គ្នា​ទៅ​នឹង​របៀប​ដែល​យើង​យល់​ឃើញ​អំពី​ពិភព​លោក​ទាំង​មូល​ផង​ដែរ។ ការ​មាន​ជំនឿ​ចិត្ត​​រឹង​មាំចំពោះ​ខ្លួន​ឯង ឬ​គ្មាន​សោះ​ក្តី, គឺ​តែង​តែ​ជះ​ផល​ជានិច្ច​ ​ទៅ​លើ​ជីវិត​​ប្រចាំ​ថ្ងៃ និង​ជីវិត​អនាគត​របស់​យើង។ ចូរ​ចាំ​ថា របៀប​ដែល​យើង​គិត និង​របៀប​ដែល​យើង​ប្រព្រឹត្តិ ជះ​ផល​ទៅ​លើ​អ្វី​ដែល​យើង​ធ្វើ ហើយ​ក្លាយ​ទៅ​ជា​ទម្លាប់​។ ចូរ​តស៊ូ​ជា​និច្ច​ នូវ​ការ​ធ្វើ​​​នៅ​ក្នុង​ថ្ងៃ​នេះ ឲ្យ​បាន​ល្អ​ប្រសើរ​​ជាង​ថ្ងៃ​ម្សិល ដើម្បី​បង្កើត​អនាគត​មួយ​ឲ្យ​​ស្រប​តាម ឬ​​ប្រហាក់​ប្រហែល​គ្នា​​ទៅ​នឹង​ក្តី​សុបិន​របស់​យើង​។

០១. ធ្វើ​ចិត្ត​ឲ្យ​រីករាយ (​យើង​ជា​អ្នក​គ្រប់​គ្រង​គំនិត​ខ្លួន​ឯង)

០២. បំបាត់​ក្តីព្រួយ​​បារម្ភ និង​ការ​ស្តីបន្ទោស ដោយ​រស់​នៅ​ក្នុង​ពេល​បច្ចុប្បន្ន

០៣. ត្រូវ​ដឹង​ថា ខ្លួន​មាន​ចំណុច​ខ្លាំង​ៗជា​ច្រើន

០៤. និយាយ​ពាក្យ​​វិជ្ជមាន​អះអាង​បញ្ជាក់​ខ្លួន​ឯង ដែល​នឹង​បង្កើន​ការ​ជឿជាក់​ចំពោះ​ខ្លួន​

០៥. ចំណាយ​ពេល​សិក្សា ​ស្វែង​យល់​អំពី​ចំណុច​ខ្សោយ​របស់​ខ្លួន ហើយ​ផ្តោត​ទៅ​លើ​ចំណុច​ខ្លាំង

០៦. ប្រើ​ភាសា​វិជ្ជមាន​សម្រាប់​ពណ៌នា​ខ្លួន​ឯង

០៧. ឈប់​បន្ទោស​ខ្លួន​ឯង​ ចំពោះ​រឿង​ណា​​​ដែល​មិន​មែន​ជា​កំហុស​របស់​ខ្លួន​

០៨. ព្យាយាម​ស្វែង​យល់​អំពី​អ្នក​ដទៃ​ ជាជាង​រិះគន់​គេ ដោយ​​ដាក់​ខ្លួន​​នៅ​ក្នុង​ស្ថានភាព​របស់​គេ ហើយ​សម្លឹង​មើល​អ្វីៗ​តាម​ទស្ស​នៈ​របស់​គេ។

០៩. កុំ​ចាត់​ទុក​អ្វី​គ្រប់​យ៉ាង​ជា​លក្ខណៈ​ផ្ទាល់​ខ្លួន​ពេក (កុំ​រើស​ដាក់​ខ្លួន ឬ​កុំ​ធ្វើ​គោ​ដំបៅខ្នង)

១០. ចំណាយ​ពេល​ហាត់​ប្រាណ

១១. ត្រូវ​ចាំ​ថា មិត្ត​ជាចៅហ្វាយ​ខ្លួន​ឯង

១២. ត្រូវ​ចេះ​យល់ និង​សន្តោស​ដល់​អ្នក​ដទៃ

១៣. ស្វែង​រក​ការ​គាំទ្រពី​មិត្ត​ភក្តិ ឬ​គ្រួសារ នៅ​ខណៈ​ដែល​អ្នក​បង្កើន​ការ​ជឿជាក់​ចំពោះ​ខ្លួន​ឯង

១៤. ត្រូវ​ចាំថា អ្នក​ជា​អ្នក​កំណត់​វាសនា​ខ្លួន​ឯង

១៥. ប្រមាណ​មើល​នូវ​ជំនឿ​របស់​ខ្លួន

១៦. កុំ​ជេរ​គេ ឬ​ជេរ​ខ្លួន​ឯង

១៧. ប្រើការ​នឹកគិត/បង្ហាញ​រូបភាព​នៅ​ក្នុង​គំនិត ដើម្បី​សម្រេច​ជោគជ័យ

១៨. កុំ​និយាយ​ថា បាទ/ចាស ផ្ទុយ​ពី​ចិត្ត

១៩. ទទួល​ខុស​ត្រូវ​ចំពោះ​ខ្លួន​ឯង

២០. ចូល​ទៅ​ក្នុង​ blog ណា​មួយ ដែល​និយាយ​អំពី​ការ​​ចម្រើន​ខ្លួន​ឯង

២១. ផ្តល់​ការសរសើរ​ដល់​ខ្លួន​ឯង នៅ​ពេល​ធ្វើ​អ្វី​មួយ​បាន​ល្អ (កុំ​ធ្វើ​នៅមុខគេ)

២២. អាន​​រាល់​ថ្ងៃ​នូវ​អត្ថបទ​ទាំងឡាយណា​ដែល​ស្តីអំពី​ការ​ចម្រើន​ខ្លួន​ឯង

២៣. ចែក​ឲ្យ​ដាច់​ស្រឡះ​រវាង​សេចក្តី​ត្រូវការ និង​ចំណង់

២៤. កុំ​ខ្លាច​នឹង​សុំ​នូវ​អ្វី​ដែល​ខ្លួន​ចង់​បាន

២៥. ត្រូវ​គិត​ទុក​ជា​មុន​ចំពោះ​ការ​រិះ​គន់​ពី​អ្នក​ដទៃ ហើយ​រៀប​ចំ​ខ្លួន​ដើម្បី​ឆ្លើយ​ឲ្យ​បាន​ល្អ

២៦. ប្រើពាក្យ​ដែល​បញ្ជាក់​អំពី​អារម្មណ៍(វិជ្ជមាន)

២៧. សរសេរ​ឲ្យ​ជាក់​ច្បាស់​នូវ​ពាក្យ​បញ្ជាក់អះអាង​ខ្លួន​ឯង ក្នុង​ការ​សាង​ជំនឿចិត្ត

២៨. ដាក់​ពាក្យ​បញ្ជាក់អះអាង​ខ្លួន​ឯង​នៅលើ​ប្រតិទិន ឬ​បិទ​នៅ​កន្លែងណា​មួយ​ដែល​ងាយ​អាន

២៩. កំណត់​​ឲ្យ​ខ្លួន​ឯង​នូវ​គោលដៅ​ប្រាកដនិយម

៣០. កុំ​ធ្វើ​អ្វី​ដែល​អាច​នាំ​ឲ្យ​ខ្លួន​ឯង​ស្តាយ​ក្រោយ។ ត្រូវ​រៀន​និយាយ​ថា “ទេ”

នៅមានត

HAPPY NEW YEAR 2012 !!!


Dreams are a big part of our Lives
and You must do whatever it takes
to make them a Reality;
by the plans you make,
the course you take,
and the things you do.
Don’t dwell on past mistakes.
Leave yesterday behind,
along with all it’s problems,
worries and doubts.
Realize you can’t change the past,
but you can start a new tomorrow.
Don’t try to do everything at once;
take one step at a time,
Don’t ever be afraid to try the Impossible
no matter what others may think.
Remember you are Unique
in your own special way.
Don’t ever stop Dreaming!
Don’t ever stop wanting what’s right for you!
HAPPY NEW YEAR !!!