ដំណឹងការងារ ជាមួយ ​មូលនិធិឧត្តុង្គ


តំណែងៈ គ្រូ/អ្នកណែនាំ

ការពិពណ៌នាអំពីការងា

ករណីយកិច្ច និង ការទទួល ខុសត្រូវៈ លោកគ្រូ-អ្នកគ្រូ/អ្នក​ណែនាំ មាន​មុខនាទី​សំខាន់​បំផុតនៅ​ក្នុង​ជីវិត​សិស្ស​ជ្រើស​រើស​​និមួយៗ។ ដូច្នេះ បេក្ចជនម្នាក់ៗ ត្រូវ​តែ​មាន​គុណភាពឲ្យ​សមស្រប​តាម​លក្ខណៈ​ដូច​បាន​រាយខាង​ក្រោម​នេះ៖

  • ត្រូវមានសមត្ថភាព​គ្រប់​គ្រាន់​​ក្នុង​ការ​ជួយណែនាំ​សិស្ស​ធ្វើ​កិច្ចការ ​សាលា​ឲ្យ​បាន​ពេញលេញ​ចំពោះ​មុខ​វិជ្ជា​ដែល​​​សិស្សត្រូវ​ការ​ឲ្យ​ជួយ។
  • មាន​សមត្ថភាព​គ្រប់​គ្រាន់​សម្រាប់​​ថ្លឹងថ្លែង​ក្នុង​ការ​សម្រេច​ចិត្ត ​ជ្រើសរើសសម្រាំង​ទទួល​យក​សិស្ស​ឲ្យ​ចូល​មក​ក្នុង​កម្មវិធី។
  • ចេះរៀបចំ​ប្លង់តេស្ត​ដើម្បី​ស្ទង់​អំពី​កម្រិត​វិជ្ជា និង​ទេពកោសល្យ​របស់​សិស្យ​ជ្រើសរើស។
  • ធ្វើតេស្តស្ទង់អំពីកម្លាំង និង​កម្សោយ​​របស់​សិស្ស​ជ្រើសរើស​និមួយៗ ទាំងខាង​ផ្នែក​គំនិត​ប្រាជ្ញា និង​ទាំងខាង​ផ្នែក​ចិត្តសាស្ត្រ។
  • ប្តេជ្ញា​រក្សា​ភាព​ពិត​ប្រាកដ ជាក់លាក់ ក្នុង​ការ​បង្ហាត់បង្ហាញ​សារព័ត៌មាន​របស់​កម្មវិធី ដោយ​គ្មាន​បញ្ចូល​យោបល់​ផ្ទាល់​ខ្លួន​ឡើយ។
  • កាលណា​ជ្រើស​រើស​សិស្ស​រួច​ហើយ ត្រូវចេះ​ពិនិត្យ​គុណភាពភាពជាអ្នក​ដឹកនាំ​របស់​សិស្ស ដោយ​ផ្តល់​នូវ​វឌ្ឍនភាព និង​ការ​ឧបត្ថម្ភ​ទ្រទ្រង់​ដល់​សិស្ស​ដែល​អាច​ជួយ​គេ​ឲ្យ​មាន​ការ​រីក​ ចម្រើន​ដល់​កម្រិត​ខ្ពស់​បំផុត។
  • គាំទ្រ​ចំណង់​ចំណូល​ចិត្ត និង​គោលដៅ​យូរ​អង្វែង​របស់​សិស្ស និង​ជួយ​ជ្រោមជ្រែង​គេ​ឲ្យ​បាន​សម្រេច​គោលបំណង​​ប្រកប​ដោយ​ជោគជ័យ ដោយ​វិធី​តាម​ផ្តល់​នូវ​សេចក្តី​ត្រូវការ​របស់​សិស្ស។
  • ធ្វើ​របាយការណ៍​ប្រចាំ​ខែ​អំពី​វឌ្ឍនភាព​របស់​សិស្ស​ជា​ទៀង​ទាត់។
  • មាន​លទ្ធភាព​ធ្វើ​ដំណើរ​ផ្លូវ​ឆ្ងាយ និងអាច​ធ្វើការ​ដទៃ​ផ្សេងៗ​ទៀត។
  • ត្រូវ​ចេះ​រៀប​ចំ​សំណុំផលប័ត្រ​ ដោយ​មាន​ភ្ជាប់​នូវ​រូបភាព ១ សន្លឹក​ របស់​សិស្ស​ម្នាក់​ៗ។

លក្ខណៈសម្បត្តិចាំបាច់

  • ជានិស្សិតឆ្នាំទី ៣ នៃមហាវិទ្យាល័យ ឬ​មានសញ្ញាប័ត្រមហាវិទ្យាល័យ។
    • សញ្ញាប័ត្រ មិនចាំ​បាច់​ដូចគ្នា​នឹង​សិស្ស​ដែល​អ្នក​នឹងណែនាំ​ទេ
    • មាន​សមត្ថភាព​អាចណែនាំ​សិស្ស​ក្នុង​ការ​ចុះ​ឈ្មោះ​ចូល​រៀន​មហាវិទ្យាល័យ និង​ផ្តល់​ដំបូន្មាន​ដល់​សិស្ស អំពី​ជីវិត​របស់​និស្សិត​នៅ​មហាវិទ្យាល័យ។
  • មានការពិសោធ​ខាង​ការងារ ឬ​កំពុង​ប្រកប​ការងារ ប្រសិន​បើ​រៀន​ចប់​មហាវិទ្យាល័យ​រួច​ហើយ។
    • ដឹងរបៀបណែនាំ​ក្នុងការជ្រើស​យក​វិជ្ជាជីវៈ​ផ្សេងៗ។
    • បង្ហាត់​សិស្ស​ឲ្យ​ធ្វើ រេស៊ូមេ (Resume) ឲ្យបាន​ ប្រណិត, ចេះបំពេញ​ពាក្យ​​សុំ​ការងារធ្វើ ហើយ​ចេះ​បង្ហាត់​អប់រំ​សិស្ស​ផ្នែក​សុជីវធម៌, ចរិយាធម៌, ដើម្បី​ឲ្យ​សិស្ស​ត្រៀម​ខ្លួន​ចូល​បម្រើ​ការងារ​បាន​ល្អ។
  • មានការប៉ិនប្រសប់​ផ្នែក​​ប្រាស្រ័យ​ទាក់ទង​គ្នា, ចេះ​រក​ផ្លូវ​ដោះស្រាយទំនាស់ ឬ​បញ្ហា​ផ្សេងៗ​តាម​របៀប​អ្នក​​ថ្លៃថ្នូរ។
  • សន្យា​នៅ​ជាប់​ជាមួយ​សិស្សក្នុង​រយៈ​ពេល​យូរ រហូតដល់​សិស្ស​​រៀន​ចប់​បាន​សញ្ញាប័ត្រមហាវិទ្យាល័យ។

សូមទាញយកពាក្យសុំនៅទីនេះ

Documentary “Faces of the Future” featuring Nancy teaching Path 4 Teens


Please watch these YouTube links of the documentary “Faces of the Future”. It features Nancy Prerk Lee teaching children in Banteay Meanchey Province Cambodia, March of 2010.

Faces of the Future is a documentary about the hopes and visions of the young people in Cambodia today. In a country that has suffered an unprecedented destruction of human dignity and civilization, one teacher’s devoted efforts to prepare the emerging generation for the future in a remote countryside school is both heart warming and inspiring. The film depicts the innate human desire to look forward, to dream, and to even serve a greater cause beyond ourselves that can never be extinguished.

អាហារូបករណ៍ពីមូលនិធិឧត្តុង្គ


ប្អូនៗដែលខ្វះប្រាក់បងថ្លៃការសិក្សា អាចដាក់ពាក្យស្នើសុំអាហារូបករណ៍ពីមូលនិធិឧត្តុង្គ។ ដើម្បីអាចទទួលបាននូវអាហារូបករណ៍នេះ អ្នកត្រូវតែជាសិស្សរៀនថ្នាក់បញ្ចប់នៃវិទ្យាល័យ ហើយជាអ្នកគ្រោងនឹងចូលមហាវិទ្យាល័យ, អនុមហាវិទ្យាល័យ, សាលាបណ្តុះបណ្តាលវិជ្ជាជីវៈ ឬក៏សាលាបច្ចេកទេស។

ក្នុងការវាយតម្លៃទៅលើការដាក់ពាក្យសុំអាហារូបករណ៍នេះការគិតពិចារណាត្រូវបានផ្តោតលើៈ

  • ការសម្រេចបានទាំងឡាយក្នុងការសិក្សា
  • សកម្មភាពក្រៅកម្មវិធីសិក្សាទាំងឡាយនៅក្នុងសាលា និង/ឬ នៅក្នុងសហគមន៍
  • បទពិសោធន៍ការងារ
  • គោលបំណងផ្ទាល់ខ្លួននៃការអប់រំ និង អាជីព
  • តម្រូវការហិរញ្ញវត្ថុ, សក្តានុពលដែលអាចសម្រេចបានជោគជ័យ ក្នុងការអប់រំក្រោយពីបញ្ចប់វិទ្យាល័យ
  • ជាសិស្សបញ្ចប់ការសិក្សានៅវិទ្យាល័យ ដែលត្រៀមចូលមហាវិទ្យាល័យនៅឆមាសបន្ទាប់

សូមទាញយកពាក្យសុំនៅខាងក្រោមនេះ

https://docs.google.com/fileview?id=0B8EQaZ-ox9V0NDkwODY2ZTItNGYzOS00Yzk1LThiMDEtZTE4YzM3NDQ3NDBl&hl=en