Cambodia’s Garment Industry: What the Future Holds


By Hor Hab, Economics Today

The golden age of Cambodia’s garment industry began in the 1990s, when Cambodia was given trade privileges from the United States and the European Union. Some of the privileges included a tariff-free treatment from the United States. In 1996, garment exports to the United States amounted to about US$ 2.4 million only.

According to the Ministry of Economy and Finance (MEF) latest statistics, the exports of garment products totaled US$ 2.8 billion. The figures show a very small increase, only 1-percent increase, in exports between the fourth quarter 2006 and the fourth quarter 2007.

This growth slowdown has sparked worries among analysts and union leaders that the value of garment exports will decrease in 2008 and can affect the overall economy. The garment sector is the largest contributor to GDP and exports. It represented about 16 percent of GDP and more than 80 percent of exports in 2007.

បន្ត​ការ​អាន

ប្រេង និង​ឧស្ម័ន​នៅ​ដែន​សមុទ្រ​កម្ពុជា​ស្ថិត​នៅ​ក្នុង​ភាព​មិន​ច្បាស់​លាស់


ដោយ ហ៊ ហាប់, សេដ្ឋកិច្ចថ្ងៃនេះ

តាម​ការ​សិក្សា​មួយ​ចំនួន​បាន​សន្និដ្ឋាន​ថា អាច​មាន​ប្រេង​ប្រមាណ​ជា ២​ កោដិ​ធុង និង​ឧស្ម័ន​ធម្មជាតិ ១០,០០០ កោដិ​ហ្វីតគីប នៅ​ក្នុង​ដែន​សមុទ្រ​កម្ពុជា ។ ប្រាក់​ចំណូល​ពី​ក្ដី​សង្ឃឹម​ថ្មី​នេះ នឹង​ធ្វើ​ឲ្យ​ប្រជាជន​កម្ពុជា ជៀស​ផុត​ពី​ភាព​ក្រីក្រ​បាន​នា​ពេល​អនាគត ។

យោង​តាម​របាយការណ៍​ព្យាករណ៍​មួយ​ចំនួន​រាប់​ទាំង​យូអិនឌីភី ប្រេង ​និង ​ឧស្ម័ន​អាច​ផ្ដល់​ចំណូល​ឳ្យ​កម្ពុជា​ប្រមាណ​ជា ១,០០០លាន​ដុល្លារ ក្នុង​មួយ​ឆ្នាំ​ៗ ចាប់​ពី​ឆ្នាំ ២០១០ ។

លោក​ដូក្លាស ហ្គាតនឺ តំណាង​អង្គការ​យូអិនឌីភី ប្រចាំ​ប្រទេស​កម្ពុជា​ បាន​មាន​ប្រសាសន៍​កាល​ពី​ខែ​ មករា ឆ្នាំ ២០០៧ ថា រដ្ឋាភិបាល​អាច​នឹង​ទទួល​ផល​ប្រហែល​ ១,៧០០​លាន​ដុល្លារ ក្នុង​មួយ​ឆ្នាំៗ ហើយ​ប្រេង​មួយ​ធុង​តម្លៃ ៦០​ដុល្លារ” ។ បច្ចុប្បន្ន​នេះ​ តម្លៃ​ប្រេង​ប្រហែល​ ១០០​ដុល្លារ ក្នុង​មួយ​ធុង ។

ចាប់​តាំង​ពី​ក្រុម​ហ៊ុន​ ឈីវរ៉ុន របស់​អាមេរិក​ បាន​ប្រកាស​រក​ឃើញ​ប្រេង​នៅ​ក្នុង​ដែន​សមុទ្រ​កម្ពុជា កាល​ពី​ឆ្នាំ ២០០៥ រដ្ឋាភិបាល​បាន​ផ្ដល់​អាជ្ញាប័ណ្ណ​ចំនួន ១៣ ទៅ​ឳ្យ​ក្រុមហ៊ុន​មក​ពី​ប្រទេស​ជា​ច្រើន​ ដូច​ជា ចិន, ជប៉ុន, សិង្ហបុរី, ស៊ុយអ៊ែត, គុយវ៉ែត, កូរ៉េ​ខាង​ត្បូង និង​ប្រទេស​មួយ​ចំនួន​ទៀត​ក្នុង​តំបន់ ។

តើ​អាច​មាន​ប្រេង​ប្រាកដ​ប៉ុន្មាន ?

មក​ដល់​ថ្ងៃ​នេះ ពុំ​ទាន់​មាន​របាយការណ៍​ណា​មួយ​អះអាង​ពី​ចំនួន​ពិត​ប្រាកដ​នោះ​ទេ ។ តែ​បើ​តាម​ការ​សិក្សា​របស់​អង្គការ​យូអិនឌីភី និង​សាកល​វិទ្យាល័យ​ហាវើត គេ​រំពឹង​ថា អាច​មាន​ប្រេង​ដល់​ទៅ ២,០០០​លាន​ធុង និង​ឧស្ម័ន​ធម្មជាតិ ១០,០០០ កោដិ​ហ្វីតគីប ។ តែ​ពុំ​ទាន់​មាន​បរិមាណ​ប្រាកដ​ណា​មួយ​ដែល​អះអាង​ដោយ​រដ្ឋាភិបាល​នោះ​ឡើយ ។ ចំពោះ​អ្វី​ដែល​គេ​ដឹង​ប្រាកដ​នោះ គឺ​ពិត​ជា​មាន​ប្រេង និង​ឧស្ម័ន នៅ​ក្នុង​ប្លុក A នៃ​ដែន​សមុទ្រ​កម្ពុជា ដែល​មាន​ចម្ងាយ​ប្រហែល​ ២០០​គីឡូម៉ែត ពី​ក្រុង​ព្រះ​សីហនុ ។ អ្វីៗ​ទាំង​អស់​គ្រាន់​តែ​ស្ថិត​នៅ​ក្រោម​ការ​ប៉ាន់​ស្មាន​នៅ​ឡើយ ។

បន្ត​ការ​អាន

ប្រទេស​ឡាវ នឹង​ក្លាយ​ជា​អ្នក​ផលិត​ និង​នាំ​ចេញ​ថាមពល​ក្នុង​តំបន់


ដោយ​ផែន រស្មី

ប្រទេស​ឡាវ​បាន​នឹង​កំពុង​ចាប់​ផ្ដើម​កសាង​ទំនប់​វារីអគ្គិសនី​ដ៏​មាន​សារ​សំខាន់​របស់​ខ្លួន បន្ទាប់​ពី​មាន​ការ​យល់​ព្រម និង​គាំ​ទ្រដោយ​ធនាគារ​ពី​ភព​លោក​នា​ពេល​ថ្មីៗ​នេះ ។ ធនាគារ​ពិភពលោក​បាន​ធ្វើ​ការ​ពិភាក្សា និង​សិក្សា​ជា​មួយ​រដ្ឋាភិបាល​ឡាវ​អស់​រយៈ​ពេល​ជិត​១០ឆ្នាំ អំពី​ភាព​ចម្រូង​ចម្រាស​ទាក់​ទង​នឹង​ទំនប់​វារីអគ្គិសនី​នេះ ។

lao-hydroplants.jpgនៅ​ឯ​កិច្ច​ប្រជុំ​របស់​ខ្លួន​ក្នុង​ទី​ក្រុង​វ៉ាស៊ីនតោន ធនាគារ​ពិភព​លោក​បាន​ឱ្យ​ដឹង​ថា ខ្លួន​នឹង​ផ្ដល់​ថវិកា​កម្ចី ១.២​ពាន់​លាន​ដុល្លារ សម្រាប់​គម្រោង​វារីអគ្គិសនី​នេះ តាម​រយៈ​ធនាគារ​ជា​បណ្ដាញ​ទាំង​ឡាយ​របស់​ខ្លួន ។

ជា​មួយ​គ្នា​នេះ​ដែរ រដ្ឋាភិបាល​ឡាវ​បាន​និយាយ​ថា ខ្លួន​ទទួល​បាន​ប្រាក់​កម្ចី ទាំង​នោះ​ផ្ទាល់​ពី​ធនាគារ​អន្តរជាតិ​ចំនួន ៩ និង​ធនាគារ​ចំនួន​ ៧ ក្នុង​ប្រទេស​ថៃ ក្រោម​កិច្ច​ព្រមព្រៀង​របស់​ធនាគារ​ពិភពលោក​ដើម្បី​រៀបចំ​ស្ថាបនា​ទំនប់​វារីអគ្គិសនី​ដ៏​ធំ​មួយ​កន្លែង​មាន​ឈ្មេះ​ថា ណាំ​ធិន២ (Nam Theun 2)

ទំនប់​វារីអគ្គិសនី​ណាំ​ធិន​២​ដែល​មាន​តម្លៃ ១.៤៥​ពាន់លាន​ដុល្លារ ជា​គម្រោង​មួយ​ក្នុង​ចំណោម​គម្រោង​ទំនប់​វារីអគ្គិសនី​ដ៏​ចម្រូង​ចម្រាស​ជា​ច្រើន​ដែល​ស្ថិត​នៅ​ក្នុង​ខេត្ត​ខាំ​មួន (Khammuane) និង​ខេត្ត​បូលីខាំស៊ី (Bolikhamzy) ក្នុង​ប្រទេស​ឡាវ ដែល​បច្ចុប្បន្ន​កំពុង​ស្ថិត​ក្រោម​ការ​សាង​សង់​របស់​ក្រុម​ហ៊ុន​អគ្គិសនី​មក​ពី​ប្រទេស​បារាំង និង​ថៃ ។

បន្ត​ការ​អាន

របាំ​អប្សរា​តំណាង​ឳ្យ​ព្រលឹង​ជាតិ និង​មាន​អាយ​កាល​រាប់​ពាន់​ឆ្នាំ


apsara.jpgដោយ​គឹម សារឿន, សេដ្ឋកិច្ច​ថ្ងៃនេះ

របាំ​អប្សរា បើ​តាម​ចម្លាក់​នៅ​លើ​ជញ្ជាំង​ប្រាសាទ​អង្គរ​វត្ត គេ​សន្និដ្ឋាន​បាន​ថា របាំ​នេះ​អាច​កើត​មុន​សម័យ​អង្គរ ឬ​ក្នុង​សម័យ​​មហានគរ ។

របាំ​នេះ​ត្រូវ​បាន​ព្រះ​មហាក្សត្រ​យានីស៊ីសុវត្ថិ កុសុមៈនារីរតន៍ សិរីវឌ្ឍនា បង្កើត​ឡើង​ជា​ផ្លូវ​ការ​នៅ​អំឡុង​ឆ្នាំ ១៩៦០ សម័យ​សង្គមរាស្ត្រនិយម ។ របាំ​អប្សរា មាន​កាយវិការ​ចង្វាក់​រាំ​ចលនា​យឺត​ៗ ខុស​ប្លែក​ពី​របាំ​ដទៃ​បញ្ជាក់​ពី​គ្មាន​​ទុក្ខ​កង្វល់ សុភាព​រាប​សារ​របស់​ស្ត្រី​ខ្មែរ តំណាង​ឲ្យ​លក្ខណៈ​ជាតិ ហើយ​ទទួល​ការ​គាំ​ទ្រពី​សំណាក់​ភ្ញៀវ​ជាតិ និង​អន្ដរជាតិ ។

ខ្មែរ​យើង​មាន​សិល្បៈ និង​របាំ​ជា​ច្រើន​ប្រភេទ​សម្រាប់​សម្ដែង​ឳ្យ​ស្រប​នៅ​តាម​ទី​កន្លែង ពេល​វេលា និង​តំបន់​ដែល​គេ​និយម​ចូល​ចិត្ត ដើម្បី​បង្ហាញ​ប្រាប់​ពី​បញ្ហា​អ្វី​មួយ​ដែល​មាន​លាយ​ឡំ​ជា​មួយ​នឹង​សំណើច និង​តន្ត្រី ហើយ​បាន​បន្សល់​ទុក​រហូត​ដល់​សព្វថ្ងៃ ។ ក្នុង​នោះ​គេ​សង្កេត​ឃើញ​របាំ​អប្សរា ឬ​របាំ​ទេវតា ដែល​សម្ដែង​ទៅ​មាន​សភាព​ទន់​ភ្លន់ អារម្មណ៍​ស្ងប់ស្ងាត់ បញ្ជាក់​ពី​ភាព​គ្មាន​កង្វល់ ញញឹម​រាក់​ទាក់ ហើយ​ត្រូវ​បាន​គេ​លើក​យក​ទៅ​សម្ដែង​នៅ​ក្នុង​កម្មវិធី​បុណ្យ​ជាតិអន្ដរជាតិ ទទួល​បាន​ការ​ពេញ​និយម​គាំទ្រ​យ៉ាង​ខ្លាំង​ទាំង​ក្នុង​ និង​ក្រៅ​ប្រទេស ។

បន្ត​ការ​អាន